सुर्खेत । जुम्लामा भएको जिप दुर्घटनामा परि मुगुका दुई जनाको मृत्यु भएको छ। मृत्यु हुनेमा जिप चालक अन्दाजी २८ वर्षीय अविराज कार्की र सहचालक २२ वर्षीय जीतेन्द्र रावल रहेका छन्। प्रहरीकाअनुसार उनिहरुको स्थायी ठेगाना मुगुको रारा छायानाथ नगरपालिका–५ रहेको छ।

आइतबार बिहान करिब ७ बजेको समयमा जुम्लादेखि मुगु जाँदै गरेको भे १ ज १०९९ नम्बरको जिप कनकासुन्दरी–४ छाकुनेरामा भएको दुर्घटनामा परेको थियो।

जिल्ला प्रहरी कार्यालय जुम्लाका डिएसपी एवम् प्रहरी नायव उपरीक्षक प्रल्हाद कार्कीले मुगुबाट जिपका मालिक घटनास्थलमा पुगेपछि मृतकको सनाखत गरिएको जानकारी दिए।