वीरेन्द्रनगर । जुम्ला जिल्लाको चन्दननाथ नगरपालिकाकाबाट आगूऔषधसहित दुई जना पक्राउ परेका छन्। पक्राउ पर्नेमा चन्दननाथ नगरपालिका–७ बस्ने भिमराज रावल र हिक्मत रावल रहेका छन्।

यस्तै, सोही ठाउँका अर्का अमिर केसी फरार रहेका छन्।

जिल्ला प्रहरी कार्यालय जुम्लाबाट खटिएको प्रहरी टोलिले शंका लागेर चेकजाँच गर्ने क्रममा भिमराज र हिक्मतको साथबाट र अमिरको घरबाट लागूऔषध फेला पारेको हो।

प्रहरीले भिमराज रावलले खल्तीमा लुकाई छिपाई राखेको लागूऔषध (ब्राउनसुगर) जस्तो देखिने खैरो धुलो पदार्थ १ पुडिँया, र घरको कोठामा ५०० मिलीग्राम खैरो धुलो पदार्थ र ५ ग्राम ४० मिलीग्राम चरेस जस्तो देखिने कालो पदार्थ फेला पारेको जनाएको छ।

यस्तै, अमिर केसीको घरमा खानतलासी गर्दा घरको सुत्ने कोठाबाट ३५० मिलिग्राम चरेस जस्तो देखिने कालोपदार्थ फेला पारेको थियो।