सुर्खेत। दक्षिण पूर्वी एशियाकै नम्बर १ टायर उत्पादक कम्पनी एमआरएफले कर्णाली प्रदेशको राजधानी वीरेन्द्रनगर सुर्खेतमा आफ्नो पहिलो आधिकारिक शोरुम सञ्चालनमा ल्याएको छ ।
कर्णाली क्षेत्रका ग्राहकहरूलाई उच्च गुणस्तरीय टायर सहज रूपमा उपलब्ध गराउने उद्देश्यका साथ साकेत टायर इन्टरनेशनल प्रा.लि. ले करिब ३ करोड रुपैयाँको लगानीमा अत्याधुनिक शोरुम सञ्चालनमा ल्याएको हो ।
एक विशेष समारोहका बीच एमआरएफ कोलकाता (कलकत्ता) क्षेत्रीय सेल्स म्यानेजर र साकेत टायर इन्टरनेशनल शोरुमको औपचारिक उद्घाटन गरिएको छ। सबै प्रकारका सवारीका लागि वान स्टप सोलुसन एमआरएफ कम्पनीले स्कुटर, मोटरसाइकल, जिप, कार, बस, ट्रक, टिप्पर, डोजर, क्रेनदेखि जेट विमानका लागिसमेत आवश्यक पर्ने सबै मोडेलका टायरहरू उत्पादन गर्दै आएको छ ।
भारतमा मात्रै यस कम्पनीका १० वटा ठूला अत्याधुनिक उद्योगहरू रहेका छन् । एमआरएफ लिमिटेडको समरभर (विश्वभर) गुणस्तरीय टायरका लागि प्रसिद्ध छ । शोरुम सञ्चालनमा आएपछि कर्णाली प्रदेशका ग्राहकहरूका लागि एमआरएफ कम्पनीका अन्तर्राष्ट्रिय स्तरका गुणस्तरीय टायरहरू सुर्खेतमै सुपथ मूल्यमा उपलब्ध हुनेछन् ।
एमआरएफको आधिकारिक शोरुमबाट ग्राहकहरूले सबै मोडेलका ओरिजिनल टायरहरू सहज र अत्यन्त सुपथ मूल्यमा प्राप्त गर्न सक्ने साकेत टायर इन्टरनेशनल प्रा.लि. का प्रबन्ध निर्देशक सूर्यमणि अधिकारीले बताए ।
यस शोरुमको स्थापनाले कर्णालीको यातायात क्षेत्र, निर्माण व्यवसाय तथा व्यक्तिगत सवारी धनीहरूले गुणस्तरीय र टिकाउ टायरको सेवा स्थानीय स्तरमै पाउने बलियो विश्वास लिइएको छ ।
नेपाल कर्म । १० असार २०८३, बुधबार १९:१४