महिलाहरुको बाँझोपन निकाे पार्छु भन्दै ठगी गर्ने महिला सुर्खेतबाट पक्राउ

सुर्खेत । आफूलाई दुर्गामाता बताउदै ठगी गर्ने एक महिला पक्राउ परेकी छन् । कालिकोटको तिलागुफा नगरपालिका क्षेत्रमा माता हुँ र बाँझोपना हटाइदिन्छु भन्दै ठगी गर्ने महिलालाई सुर्खेतबाट पक्राउ गरिएको हो ।

गाउँका सोझा महिलाहरुलाई बाँझोपना हटाइदिन्छु भनेर झुक्याई ठगी गरेको उजूरीको आधारमा हजरुन खातुनलाई कालिकोट प्रहरीले सुर्खेत प्रहरीको समन्वयमा वीरेन्द्रनगरबाट पक्राउ गरेको जिल्ला प्रहरी कार्यालय कालिकोटका सूचना अधिकारी एवम् प्रहरी निरीक्षक पोषण थापाले जानकारी दिए ।

३६ वर्षीय खातुनले तीन लाख ४४ हजार नगद र गरगहना ठगी गरेको आरोप लागेको उनको भनाई छ । पक्राउ परेकी खातुनलाई कालिकोट पु¥याएर थप अनुसन्धान शुरु गरिएको उनले जनाए ।

तपाईको प्रतिक्रिया